சரப்ஜித் குடும்பத்திற்கு ஒரு கோடி ரூபாய் நிதி உதவி: பஞ்சாப் அரசு அறிவிப்பு

பாகிஸ்தான் சிறையில் கைதிகளால் அடித்துக் கொல்லப்பட்ட இந்தியர் சரப்ஜித் சிங்கின் குடும்பத்தினருக்கு ஒரு கோடி ரூபாய் நிதி உதவி வழங்குவதாக பஞ்சாப் மாநில முதல்வர் பிரகாஷ் சிங் பாதல் அறிவித்துள்ளார்.

சரப்ஜித் சிங்கிற்கு இரங்கல் தெரிவிக்கும் வகையில், மாநிலம் முழுவதிலும் உள்ள அரசு அலுவலகங்களில் 3 நாள் துக்கம் அனுசரிக்கப்படுகிறது. 3 நாட்களும் தேசியக் கொடி அரைக்கம்பத்தில் பறக்க விடப்படும் என்றும், அரசு நிகழ்ச்சிகள் எதுவும் நடைபெறாது என்றும் அறிவிக்கப்பட்டுள்ளது.

சரப்ஜித் சிங்கின் மகள்கள் ஸ்வப்னாதீப் கவுர், பூனம் ஆகியோருக்கு பஞ்சாப் மாநிலத்தில் அரசு வேலை வழங்கப்படும் என்று ஏற்கனவே அரசு அறிவித்திருந்தது.

இதுதவிர அவர்களின் குடும்பத்தினருக்கு தேவையான அனைத்து உதவிகள் மற்றும் ஆதரவையும் வழங்குவதாக பாதல் உறுதி அளித்துள்ளார்.