வங்காளதேசத்தின் முதல் பெண் சபாநாயகராக ஷிரின் ஷர்மின் தேர்வு

வங்காளதேச பாராளுமன்ற சபாநாயகராக இருந்த அப்துல் ஹமீத் அந்நாட்டின் ஜனாதிபதி ஆக தேர்ந்தெடுக்கப்பட்டார். அதைத்தொடர்ந்து காலியாக இருந்த அப்பதவிக்கு தேர்தல் அறிவிக்கப்பட்டது. ஆளும் அவாமி லீக் கட்சி வேட்பாளராக அமைச்சர் பதவி வகித்த ஷிரின் ஷர்மின் சவுத்ரி நிறுத்தப்பட்டு வேட்பு மனு தாக்கல் செய்தார்.

அவரை எதிர்த்து வேறு யாரும் வேட்புமனு தாக்கல் செய்யவில்லை. அதைத்தொடர்ந்து புதிய சபாநாயகராக ஷிரின் ஷர்மின் சவுத்ரி தேர்ந்தெடுக்கப்பட்டதாக நேற்று அறிவிக்கப்பட்டார்.

வங்காளதேசத்தின் முதல் பெண் சபாநாயகர் என்ற பெருமையை இவர் பெற்றுள்ளார். இங்கிலாந்தில் உள்ள எஸ்செஸ் பல்கலைக்கழகத்தில் பி.எச்.டி பட்டம் பெற்றுள்ளார்.