பெண் சாதனையாளர் விருதுக்கு திரிஷா தேர்வு

நடிகை திரிஷா பெண் சாதனையாளர் விருதுக்கு தேர்வு செய்யப்பட்டுள்ளார்.

நடிகை திரிஷா திரையுலகிற்கு அறிமுகமாகி 10ஆண்டுகளுக்கு மேலாகிவிட்டது. 1999ல் வெளியான ஜோடி திரைப்படத்தின் மூலம் தமிழ் திரையுலகிற்கு அறிமுகமான இவர் சாமி, கில்லி, அபி, உள்ளிட்ட பல்வேறு வெற்றிப் படங்களில் நடித்துள்ளார்.

10 ஆண்டுகள் கடந்தும் இன்றும் தமிழ் மற்றும் தெலுங்கு திரையுலகில் முன்னணி நடிகையாக வலம் வரும் திரிஷாவுக்கு, பெண் சாதனையாளர் விருது வழங்கி பேஷன் பத்திரிக்கை ஒன்று கௌரவிக்க உள்ளது. திரிஷாவின் திரையுலக சாதனைகளை அங்கீகரிக்கும் வகையில் அவருக்கு இந்த விருதினை ஜேஎப்டபிள்யூ பத்திரிகை வழங்குகிறது.

நாளை(மார்ச் 1ஆம் தேதி) சென்னையில் நடக்கும் பிரமாண்ட விழாவில் திரிஷாவுக்கு பெண் சாதனையாளருக்கான விருது வழங்கப்பட இருக்கிறது. இதுகுறித்து திரிஷா கூறியதாவது, "எனக்கு இந்த விருது கிடைத்திருப்பது மிகுந்த மகிழ்ச்சியையும் மேலும் ஏதாவது செய்ய வேண்டும் என்ற ஆர்வத்தையும் ஏற்படுத்தியுள்ளது." என்றார். திரிஷாவுடன் பழம்பெரும் நடிகை சரோஜா தேவி, விளையாட்டு வீராங்கனை சானியா மிர்சா, பாடகி சுஜாதா உள்ளிட்டோரும் கௌரவிக்கப்படுகிறார்கள்.