கௌதமுக்கு அ‌‌ஜீத் ரசிகர்கள் பதிலடி

விஜய், அ‌‌ஜீத் போன்றவர்களை இயக்க வேண்டும் என்பது கௌதமின் விருப்பம். ஒருமுறை விஜய்யை சந்தித்து கதையும் கூறினார். பொறுமையாக கதையை கேட்ட விஜய் சில டிவிடி-களை கௌதமிடம் கொடுத்து, என்னுடைய இந்தப் படங்களையும் பாருங்க, இதில் உள்ள விஷயங்களையும் உங்க கதையில் சேர்த்தால் பிரமாதமாக இருக்கும் என்றிருக்கிறார்.

அப்படி அவர் கௌதமுக்கு கொடுத்தவை பேரரசு இயக்கத்தில் விஜய் நடித்த திருப்பாச்சி மற்றும் சிவகாசி. நொந்துபோன கௌதம் இதனை பத்தி‌ரிகை பேட்டியொன்றில் குறிப்பிட, விஜய் சார்பாக பேரரசிடமிருந்து கண்டன அறிக்கை வந்தது.

கௌதம் ஒரு ஹாலிவுட் டிவிடி டைரக்டர், டிவிடி பார்த்து படமெடுப்பவர் என பேரரசு அதில் சாடியிருந்தார். இப்போது அ‌‌ஜீத்தின் முறை. அ‌‌ஜீத்துக்குப் பதில் அவரது ரசிகர்கள் சாடியிருக்கிறார்கள்.

அ‌‌ஜீத் படம் பற்றி பேட்டியளித்த கௌதம், கமல், சூர்யாவுக்காக வேண்டுமென்றால் காத்திருக்கலாம், தோளுக்கு மேல் தலை இல்லாதவர்களுக்காக காத்திருக்க முடியாது என வார்த்தைகளை கொஞ்சம் அதிகமாகவே வீசிவிட்டார்.

அமைதிப் புயல் அ‌‌ஜீத் இதற்கு ‌ரியாக்ட் பண்ணவில்லையென்றாலும் அவரது ரசிகர்கள் தங்களது இணையத்தில் கௌதமை சாடியுள்ளனர். வழக்கமான டிவிடி டைரக்டர் என்ற பட்டத்துடன் காரசாரமாக கௌதமை விமர்சித்துள்ளனர்.

அ‌‌ஜீத், கௌதம் கூட்டணி அமைவதற்கான குறைந்தபட்ச சாத்தியத்தையும் அ‌‌ஜீத் ரசிகர்கள் இதன் மூலம் உடைத்தெறிந்திருக்கிறார்கள்.