கௌதமுக்கு பயிற்சி கொடுத்த அர்ஜுன்

மணிரத்னத்தின் ‘கடல்’ படத்தில் தன் மகன் கௌதமை அறிமுகம் செய்து வைத்ததில் மகிழ்ச்சியுடன் இருக்கிறார் கார்த்திக். இயக்குனர் பாரதிராஜாவால் அறிமுகப்படுத்தப்பட்டு தான் ஒரு பெரிய நடிகரானதுபோல், மணிரத்னத்தால் அறிமுகப்படுத்தப்பட்ட தனது மகனும் பெரிய நடிகனாவான் என நம்பிக்கை அவரிடம் அதிகமாகவே உள்ளது.

கௌதம் நடிக்க வருவதற்கு முன்பே, கார்த்திக் அவருக்கு நடிப்பு பயிற்சி சொல்லிக் கொடுத்துள்ளாராம். அதுமட்டுமின்றி, கிக் பாக்சிங் பயிற்சியும் கற்றுக் கொடுத்தாராம்.

மேலும், ‘கடல்’ படத்தில் நடிப்பதற்கு முன்னதாக, கௌதமின் உடல் இன்னும் கொஞ்சம் பிட்டில் இருந்தால் நன்றாக இருக்கும் என்று மணிரத்னம் கூறியதும், கௌதமை நடிகர் அர்ஜுனிடம் அனுப்பி வைத்தாராம் கார்த்திக். அவர்தான், ஒரு கதாநாயகனுக்கு உரிய உடல் அமைப்பு எப்படி இருக்கவேண்டும் என்று கவுதமுக்கு பயிற்சி கொடுத்து மணிரத்னம் முன் கொண்டு போய் நிறுத்தினாராம்.