சென்னையில் ஒரு வாரம் ரஜினி பட விழா: பழைய படங்கள் திரையிடப்படுகிறது

வில்லிவாக்கத்தில் உள்ள ஏ.ஜி.எஸ். மல்டி பிளக்ஸ் தியேட்டரில் இந்த திரைப்பட விழா நடக்கிறது. இன்று மாலை இதற்கான தொடக்க விழா நடைபெறுகிறது. ஒவ்வொரு நாளும் ரஜினியின் ஹிட் படமொன்று திரையிடப்படுகிறது.

இன்று மாலை ரஜினியின் “அண்ணா மலை” படம் திரையிடப்படுகிறது. இப்படத்தில் ரஜினி ஜோடி குஷ்பு. வந்தேன்டா பால்காரன், ரெக்கை கட்டி பறக்குதடி அண்ணாமலை சைக்கிள், கொண்டையில் தாழம்பு போன்ற பாடல்கள் இதில் உள்ளன

நாளை ரஜினி, விஜய சாந்தி ஜோடியாக நடித்த மன்னன் படம் திரையிடப்படுகிறது. இதில் இடம் பெற்ற அம்மா என்றழைக்காத உயிர் இல்லையே பாடல் பட்டி தொட்டியெங்கும் பிரபலம். இப்படத்தில் வரும் அடிக்குது குளிரு அது சரி அது சரி என்ற பாடல் ரஜினி சொந்த குரலில் பாடியது.

நாளை மறுநாள் (26-ந்தேதி) ரஜினி-மம்முட்டி இணைந்து நடித்த தளபதி படம் திரையிடப்படுகிறது. இதில் இடம் பெற்ற ராக்கம்மா கையை தட்டு, காட்டுக் குயில் மனசுக்குள்ளே பாடல்கள் ரசிகர்கள் மத்தியில் பிரபலம்.

27-ந்தேதி குரு சிஷ்யன் படமும், 28-ந்தேதி முரட்டுக்காளை படமும் திரையிடப்படுகிறது.

29-ந்தேதி முத்து படம் திரையிடப்படுகிறது. இதில் மீனா ஜோடியாக நடித்துள்ளார். இப்படத்தில் வரும் ஒருவன் ஒருவன் முதலாளி உலகில் மற்றவன் தொழிலாளி, தில்லானா தில்லானா, குலுவாலிலே பாடல்கள் பட்டி தொட்டியெங்கும் பிரபலம்.

30-ந்தேதி ஜோதிகாவுடன் நடித்து வெற்றிகர மாக ஓடிய Òசந்திரமுகிÓ படம் திரையிடப்படுகிறது.

விழாவையொட்டி ஏ.ஜி.எஸ். தியேட்டர் முன்பு ரஜினி ரசிகர்கள் கொடி, தோரணம் கட்டி உள்ளனர். கட்-அவுட்களும் வைக்கப்பட்டு உள்ளது.