சல்மானுக்கு முத்தம் கொடுத்தது உண்மைதான்! – அசின்

ரெடி படத்தில் சல்மான்கானுக்கு ஒரு காட்சியில் முத்தம் கொடுத்தது உண்மைதான் என நடிகை அசின் கூறியுள்ளார்.

சல்மான்கான், அசின் ஜோடியாக நடித்த ரெடி படம் வருகிற 3-ந்தேதி ரிலீசாகிறது. இதில் இருவரின் முத்தக்காட்சி இடம் பெற்றுள்ளதாக செய்தி பரவியுள்ளது.

இதுகுறித்து அசின் கூறுகையில், “ரெடி படத்தில் முத்தக்காட்சி உள்ளது. ஆனால் அது மற்றவர்கள் எதிர்பார்ப்பது மாதிரி ஆபாசமாக இருக்காது. என் கன்னத்தில் சல்மான்கான் முத்தமிடுவது போன்றுதான் அக்காட்சி உள்ளது. நானும் அவருக்கு முத்தம் தருவது போல அமைத்துள்ளனர். ஆனால் கவர்ச்சிக்கு அளவு வைத்துள்ளேன். அதை மீற மாட்டேன். ரெடி குடும்ப பாங்கான படம். சல்மான்கானுக்கு என்னை ரொம்ப பிடிக்கும். அவருக்கு யாராவது பிடித்து விட்டால் அவர்களுக்காக எதுவும் செய்வார்.

அவர் திறமையான நடிகர். படப்பிடிப்பில் அடிக்கடி ஜோக் அடித்து சிரிக்க வைப்பார். இமேஜ் பார்க்க மாட்டார். பிரதிபலன் எதுவும் பார்க்காமல் மற்ற வர்களுக்கு உதவி செய்வார். கேமரா முன்னால் வந்து விட்டால் வேறு மாதிரி மாறிவிடுவார். அவருக்கு நிகர் அவரேதான். ஸ்ரீலங்கா, தாய்லாந்து போன்ற நாடுகளுக்கு படப்பிடிப்புக்காக போனோம். சல்மான்கானுடன் சேர்ந்து அந்த நாடுகளுக்கு சென்றது மகிழ்ச்சியாக இருந்தது. நாங்கள் இருவரும் நெருக்கமான நண்பர்களாகி விட்டோம், ” என்றார்.

ரெடி படத்துக்கு இலவச விளம்பரம் தொடர்கிறது….