கிளாமருக்கு ஏங்கும் அனுயா!

முதல் படமான சிவா மனசுல சக்தி மூலம் ரசிகர்களின் மனதில் இடம் பிடித்த அனுயா, பின்னர் மதுரை சம்பவம் படத்தின் மூலம் ரசிகர்களின் கனவுக் கன்னியாக உருவெடுத்தார்.

குடும்பப் பாங்கான வேடங்களை விட கவர்ச்சிதான் அனுயாவுக்குப் பொருத்தமாக இருப்பதாக பலரும் கூறுகிறார்களாம். இதனால் முழு நீள கவர்ச்சி வேடத்தில் நடிக்க அனுயாவும் ரெடியாகி விட்டார்.

தனக்குப் பொருத்தமான நல்ல கவர்ச்சிகரமான கதையை தற்போது தேர்வு செய்ய ஆரம்பித்துள்ளாராம். விரைவில் கதையை முடிவு செய்து நடிக்கத் தயாராகி வருகிறாராம்.

இதுகுறித்து அனுயா கூறுகையில், சிவா மனசுல சக்தி, நகரம் ஆகிய படங்களில் எனக்கு நல்ல வேடம் கிடைத்தது. இருப்பினும் கவர்ச்சியாக நடித்தால் பொருத்தமாக இருக்கும் என்று பலரும் கூறுகிறார்கள். நானும் கவர்ச்சிகரமான வேடத்தை தேர்வு செய்ய ஆரம்பித்துள்ளேன். நல்ல கதை கிடைத்ததும் நடிப்பேன் என்கிறார் அனுயா.

இதற்கிடையே ஷங்கர் இயக்கும் நண்பன் படத்தில் அனுயாவும் இடம் பெற்றிருக்கிறாராம். ஆனால் நாயகியாக அல்ல, நாயகிகளில் ஒருவரான இலியானாவின் அக்கா வேடத்தில் வருகிறாராம்.

அக்கா கேரக்டர் என்றாலும் கூட அனைவரும் பேசும்படியான வேடமாம். படம் வந்த பிறகு பாருங்கள், நானும் நிறைய பேசப்படுவேன் என்கிறார் தனது அழகுச் சிரிப்பை சிந்தியபடி.