சாய்பாபா படத்தில் தெண்டுல்கரை நடிக்க வைக்க முயற்சி; டைரக்டர் கோடி ராமகிருஷ்ணா பேட்டி

சத்ய சாய்பாபா வாழ்க்கை கதையை சினிமா படமாக தயாரிக்க திட்டமிடப்பட்டுள்ளது. தெலுங்து மொழியில் உருவாகும் இப்படத்திற்கு “பாபா சத்யசாயி” என்று பெயரிடப்பட்டுள்ளது. இப்படத்தை பிரபல டைரக்டர் கோடி ராம கிருஷ்ணா இயக்குகிறார்.

இந்நிலையில் அவர் நிருபர்களிடம் கூறியதாவது:-

சாய்பாபா படத்தில் தெண்டுல்கர், கவாஸ்கர் ஆகியோரை நடிக்க வைக்க முயற்சி செய்து வருகிறோம். அவர்கள் இப்படத்தில் நடித்தால் இந்தியாவில் உள்ள அனைத்து மொழிகளிலும் இப்படத்தை வெளியிடலாம். பட வசூலும் நன்றாக இருக்கும்.

இப்படத்தில் நடிக்க நடிகை ஜமுனா ஒப்புக் கொண்டுள்ளார். இதே போல் வேறு நடிகர்-நடிகைகள் தேர்வு நடந்து வருகிறது.

இவ்வாறு அவர் கூறினார்.