திருட்டு சி.டிக்களை தவிர்த்து திரையுலகினரை வாழ வைக்க வேண்டும்: நடிகை தேவயானி பேட்டி

பிரபல நடிகை தேவயானியின் கணவர் ராஜகுமாரன். இவர் ‘திருமதி தமிழ்’ என்ற படத்தில் நடித்துள்ளார். இந்த படத்தில் நடிகை தேவயானி முக்கிய கதாபாத்திரத்தில் நடித்துள்ளார். அடுத்தமாதம் முதல் வாரத்தில் இப்படம் வெளிவர உள்ளது.

படத்தின் இசை வெளியீட்டு விழா திண்டுக்கல்லில் இன்று மாலை நடைபெறுகிறது. இதுதொடர்பாக நடிகை தேவயானி நிருபர்களுக்கு பேட்டி அளித்தார். அப்போது அவர் கூறியதாவது, நான் கடந்த 13 வருடங்களாக தமிழ் சினிமாவில் நடித்து வருகிறேன். எனது கணவர் ராஜகுமாரன் திருமதி தமிழ் என்ற படத்தில் நடித்துள்ளார். இப்படத்தை நாங்கள் தயாரித்துள்ளோம். அடுத்த மாதம் வெளிவர உள்ளது.

சென்னையில் வைத்து இந்த படத்தின் இசை வெளியீட்டு விழாவை நடத்த திட்டமிட்டு இருந்தோம். அப்படி நடத்தினால் ரசிகர்களிடம் படம் போய் சேராது. ரசிகர்களை நேரடியாக சந்திப்பதற்காக மாவட்டம் முழுவதும் சென்று இசை வெளியீட்டு விழாவை நடத்தி வருகிறோம். இதனால் இந்த படம் மாபெரும் வெற்றி பெரும் என்பதில் சந்தேகம் இல்லை.

பொதுமக்கள் திருட்டி சி.டி. மூலம் படங்களை பார்ப்பதை தவிர்த்து திரையுலகினரை வாழ வைக்கவேண்டும். இந்த படத்தின் பாடல்கள் அனைத்தும் நன்றாக அமைந்துள்ளது. தமிழ்மொழியை மையப்படுத்தி படம் எடுக்கப்பட்டுள்ளது. ராஜகுமாரனுக்கு ஜோடியாக நடிகை கீர்த்தி சாவ்லா நடித்துள்ளார்.

இவ்வாறு அவர் கூறினார். அப்போது அவருடன் கணவர் ராஜகுமாரன் உடனிருந்தார்.