பாரதிராஜாவுடன் கை கோர்க்கும் இசையமைப்பாளர் ஜி.வி.பிரகாஷ்!

இயக்குனர் இமயம் பாரதிராஜாவுடன் ‘இசை இளவல்’ ஜி.வி.பிரகாஷ் குமார் கைகோர்க்கிறார். நானா படேகர், ஆக்ஷன் கிங் அர்ஜுன் இணைந்து நடித்த ‘பொம்மலாட்டம்’ படத்திற்குப் பிறகு எந்த படத்தையும் இயக்காமல் இருந்த பாரதிராஜா. தற்போது ஒரு புது ஸ்கிரிப்டுடன் களமிறங்கியிருக்கிறார்.

‘அன்னக்கொடியும் கொடிவீரனும்’ என்று பெயரிடப்பட்டுள்ள இப்புதிய படம் ஒரு வரலாற்றுக் கதையாகும். இப்படத்தின் மூலம் இசைஞானி இளையராஜாவையும், கவிப்பேரரசு வைரமுத்துவையும் மீண்டும் இணைய வைக்கலாம் என்று பெருமுயற்சி செய்தார் பாரதிராஜா. அம்முயற்சி கைகூடவில்லை.

இதனால் இருவரையும் படத்தில் சேர்க்காமல் விட்டு விட்டு, திறமையான இசையமைப்பாளரை தேடிப்பார்க்க, அவரது கண்களில் ‘இசை இளவல்’ ஜி.வி. பிரகாஷ் பிடிபட்டிருக்கிறார். ‘ஆடுகளம்’ படத்தில் இசையால் அதகளம் பண்ணியதை நினைவில் வைத்திருந்த பாரதிராஜா, இப்படத்திற்கு இவரே பொருத்தமாக இருப்பார் என்று எண்ணி, இசையமைக்க அழைத்திருக்கிறார். அதற்கு ஜி.வி. பிரகாஷும் சம்மதித்திருக்கிறார்.