இயக்குனர் ஷங்கரை படாத பாடு படுத்தும் நடிகை.!

நண்பன் படத்தில் இலியானாவின் பகுதிகளை முடித்து அனுப்பிவிட்டார் ஷங்கர். ஆனாலும் ஏண்டா அழைத்தோம் என்கிற அளவுக்கு கொடுமையான எக்ஸ்பீரியன்ஸ் கிடைத்ததாம் அவருக்கு. படப்பிடிப்பில் அவ்வளவு டார்ச்சர் என்கிறார்கள் யூனிட்டில்.

இந்த டார்ச்சர் இங்கு மட்டுமல்ல, ஆந்திராவிலும்தானாம். சமீபத்தில் அல்லு அர்ஜுனுடன் ஒரு படத்தில் நடிக்க ஒப்புக்கொண்ட இலியானா, திடீரென்று தனது சம்பளத்தை ஒரு கோடியே தொண்ணுரு லட்சமாக மாற்றினாராம். ஆடிப்போயிருக்கிறார்கள் அங்கே.

இலியானாதான் இப்படி என்றால் அவரது போர்ஷனை டப்பிங் பேச வந்த நடிகை ஆன்ட்ரியாவுக்கும் சோதனை. சென்னை கோதண்டபாணி தியேட்டரில் டப்பிங் பேச வந்த ஆன்ட்ரியாவை பேச விடாமல் தடுத்தார்களாம் டப்பிங் பட கலைஞர்கள் சிலர்.

காரணம், இவர் சங்கத்தின் உறுப்பினர் இல்லை என்பதுதான். சிறிது நேரம் அங்கேயே காத்திருந்தார் ஆன்ட்ரியா. அதற்குள் விஷயம் ஷங்கரின் காதுகளுக்கு போக, சட்டென்று ஒரு முடிவெடுத்தார்.

சந்தா தொகையான 60 ஆயிரத்தை உடனே கட்டி ஆன்ட்ரியாவை சங்க உறுப்பினர் ஆக்கிவிட்டார். அப்புறமென்ன? ஜாம் ஜாமென்று இலியானாவுக்காக குரல் கொடுத்தார் ஆன்ட்ரியா.