துப்பாக்கி படத்தில் புதிய தோற்றத்தில் விஜய்

துப்பாக்கி படத்தின் முதல் போஸ்டர் டிசைன் இன்று வெளியிடப்பட்டுள்ளது. இந்தப் போஸ்டரில் விஜய் சுருட்டை பிடித்துக் கொண்டிருப்பது போல் காட்சி இடம்பெற்றுள்ளது. தமிழகம் முழுவதும் சாலை ஓரங்களில் உள்ள சுவர்களில் இந்த போஸ்டர்கள் ஒட்டப்பட்டுள்ளன. அத்துடன் படத்தின் டைட்டில், அதன் பெயருக்கு ஏற்றது போல துப்பாக்கி மாதிரி வடிவமைக்கப்பட்டுள்ளது.. துப்பாக்கி படத்தில் என்கவுன்டர் ஸ்பெஷலிஸ்ட் போலீசாக விஜய் தோன்றுகிறார். ஏ ஆர் முருகதாஸ் இயக்கும் இந்தப் படத்தில், விஜய்க்கு ஜோடியாக காஜல் அகர்வால் நடித்துள்ளார். சந்தோஷ் சிவன் ஒளிப்பதிவு செய்ய, ஹாரிஸ் ஜெயராஜ் இசையமைக்கிறார். இந்தப் படத்தில் விஜய் முதன் முறையாக தனது தோற்றத்தை மாற்றி நடித்து வருகிறார் என்று பரவலாக பேசப்படுகிறது. அது இன்று வெளியிடப்பட்ட போஸ்டர் மூலம் உறுதி செய்யப்பட்டது என கூறலாம்