மலையாளத்திலும் விளையாட வருகிறது அஜித்தின் ‘மங்காத்தா’

ஆகஸ்ட் 31 அன்று உலகம் முழுவதும் அஜித்குமார் நடித்த ‘மங்காத்தா’ திரைப்படம் வெளியானது. இதில் அஜித்துடன் ஆக்ஷன் கிங் அர்ஜுன், திரிஷா, ஆண்ட்ரியா. அஞ்சலி உள்ளிட்ட பலரும் நடித்திருக்கின்றனர். வெங்கட் பிரபு இயக்கியுள்ள இப்படத்திற்கு யுவன் சங்கர் ராஜா இசையமைத்திருக்கிறார்.

கிரிக்கெட் சூதாட்ட பணத்தை கொள்ளையடிப்பதில் ஏற்படும் போராட்டம்தான் இந்த மங்காத்தா. இதில் கெட்டவன் கேரக்டரில் வந்து அசத்தியிருப்பார் அஜித். இது அவரது 50-வது படம் என்பது குறிப்படத்தக்கது.

இப்படம் தமிழில் வெளிவந்ததை அடுத்து, விரைவில் கேம்ப்ளர் என்ற பெயரில் தெலுங்கில் வர இருக்கிறது. தற்போது கிடைத்துள்ள தகவலின் படி, மலையாளத்திலும் இப்படத்தை டப் செய்து வெளியிட இருக்கிறார்கள்.

தெலுங்குப் படம் செப்டம்பர் 9- அன்று திரைக்கு வருகிறது. மலையாளப் படம் இதையடுத்து வெளியாகுமாம்.