50-வது நாளைக் கொண்டாடும் அஜித்தின் ‘மங்காத்தா’

அல்டிமேட் ஸ்டார் அஜித்குமாரின் 50-வது படமான மங்காத்தா, இன்று 50-வது நாளில் காலடி எடுத்து வைத்திருக்கிறது. தயாநிதி அழகிரியின் கிளவுட் நைன் மூவிஸ் நிறுவனம் தயாரித்த இப்படத்தை வெங்கட் பிரபு இயக்கியிருக்கிறார். இப்படத்தில் அஜித்துடன் ஆக்ஷன் கிங் அர்ஜுன், ஆண்ட்ரியா, திரிஷா, லட்சுமி ராய், அஞ்சலி, பிரேம்ஜி அமரன் என ஒரு பெரிய நட்சத்திரப்பட்டாளமே நடித்திருந்தது.

திரையிட்ட முதல் வாரத்திலேயே பல கோடி ரூபாய்களை வாரிக் குவித்த இப்படம் தெலுங்கில் கேம்பளர் என்ற பெயரிலும், மலையாளத்தில் மங்காத்தா பெயரிலும் மொழி மாற்றம் செய்யப்பட்டு வெளியாகின. அங்கும் நல்ல வசூல் கிடைத்தது. இன்று 50-வது நாளை கொண்டாடி வரும் இப்படக்குழுவினருக்கு பிலிமிக்ஸ் இணையதளம் தனது வாசகர்கள் சார்பில் வாழ்த்துகளை தெரிவித்துக் கொள்கிறது.