தல – படம் எப்படி? சேனலின் கேள்வியும் திகைப்பூட்டிய நடிகரும்!

1500 மீட்டர் ரேஸ் பற்றி ஆமையிடம் கேட்ட கதையாகதான் இருக்கிறது இது என்று அதிர அதிர கோபப்படுகிறார்கள் அஜீத் ரசிகர்கள். சமீபத்தில் வெளிவந்த மங்காத்தா படத்தை பற்றி சேனல்கள் ஒவ்வொன்றும் வரிந்து கட்டிக் கொண்டு நிகழ்ச்சிகளை நடத்தி வருகிறது.

தமிழ்சினிமா பிரபலங்கள் சிலரிடம் படம் எப்படி என்ற கேள்வியோடு மைக்கை நீட்டிக் கொண்டிருந்த ஒரு சேனல், ஜெய் சொன்ன ஒரு பதிலை கேட்டு செய்வதறியாது திகைத்து நின்றது. தல தலதான் என்று ஆளாளுக்கு ஜால்ரா அடித்துக் கொண்டிருந்தார்கள். அவரது நெகட்டிவ் ரோல் சான்சே இல்லை என்று தபேலா வாசித்தார் ஒரு முன்னாள் இயக்குனர். இந்த கூட்டத்தோடு கருத்து சொல்ல வந்திருந்தார் ஜெய்யும்.

மங்காத்தா பற்றி மட்டும் பேசுவார். பிரமாதம் என்று பாராட்டுவார் என்று காதை தீட்டிய ரசிகர்களுக்கு அவர் அசல் பற்றி பேசியதுதான் பேயதிர்ச்சி. தல-யோட 50 வது படம் சூப்பர். ஆனால் அதுக்கு முன்னாடி வந்த அசல் அந்தளவுக்கு இல்லை. இந்த படத்தையும் அந்த படத்தையும் ஒப்பிடவே கூடாது என்றெல்லாம் பேசிக் கொண்டிருந்தார்.

ஆதாரத்தை விட்டுட்டு சேதாரத்தை பற்றி யோசிக்கிறாரே, அதுதான் ஏன்னு புரியலை என்று பல்லை கடித்தார்கள் அஜீத் ரசிகர்கள்.