‘சமரன்’ விஷால் !

பிரபுதேவா இயக்கத்தில் விஷால் நடித்து வரும் ‘வெடி’ திரைப்படத்தினை செப் 30 அன்று வெளியிட பணிகளை துரிதப்படுத்தி வருகிறார்கள். இப்படத்தின் நாயகியாக ஷமீரா ரெட்டி நடித்துள்ளார்.

‘வெடி’ படத்தினை அடுத்து ‘தீராத விளையாட்டு பிள்ளை’ இயக்குனர் திரு இயக்கத்தில் நடிக்க கால்ஷீட் கொடுத்துள்ளார் விஷால். இப்படத்தின் நாயகியாக த்ரிஷா ஒப்பந்தம் செய்யப்பட்டுள்ளார்.

இப்படத்திற்கு ‘சமரன்’ என தலைப்பு வைத்துள்ளனர். ‘சமரன்’ என்றால் போர் வீரன் என்று அர்த்தமாம். இப்படம் ஒரு ஆக்ஷன் த்ரில்லர் படமாக வெளிவர இருக்கிறது.

சிம்பு நடித்து வரும் ‘ஒஸ்தி’ படத்தின் தயாரிப்பாளர்களான பாலாஜி ரியல் மீடியா நிறுவனம் இப்படத்தினை தயாரிக்கிறது.