மே-யில் 'சமரன்' ரிலீஸ்

விஷால் நடித்த 'தீராத விளையாட்டு பிள்ளை' திரைப்படத்தை இயக்கிய திரு, மீண்டும் விஷாலை வைத்து 'சமரன்' என்ற திரைப்படத்தை இயக்கி வருகிறார். இப்படத்தில் முதன் முறையாக விஷாலுடன் த்ரிஷா இணைகிறார். இரண்டாவது நாயகியாக அனன்யாவும் நடிக்கிறார். மேலும் முக்கியமான கதாபாத்திரத்தில் பிரகாஷ் ராஜ் நடிக்கிறார். இப்படத்திற்கு யுவன் ஷங்கர் ராஜா இசையமைக்க, 'ஒஸ்தி' திரைப்படத்தை தயாரித்த பாலாஜி ரியல் மீடியா தயாரிக்கிறது. இப்படத்தின் படப்பிடிப்புகள் ஊட்டி மற்றும் தாய்லாந்தில் நடத்தியுள்ளனர். தற்போது இறுதிக்கட்ட படப்பிடிப்புகள் நடைபெற்றுக் கொண்டிருக்கின்றன. இந்நிலையில் இப்படத்தை மே மாதத்தில் ரிலீஸ் செய்ய ஏற்பாடுகள் தீவிரமாக நடைபெற்று வருகின்றன. 'சமரன்' என்றால் போர்வீரன் என்று அர்த்தம். அதாவது வாழ்க்கையில் ஒரு மனிதனுக்கு ஏற்படும் எதிர்பாராத திருப்பங்களும், அதனால் அவனுக்கு ஏற்படுகின்ற கஷ்டங்களை எப்படி எதிர்கொள்கிறான் என்பதே சமரனின் கதையாகும். ட்விஸ்ட் இருந்தாத்தான த்ரில் இருக்கும்!