ஹிந்தி ரீமேக்கில் ஆர்யா!

தமிழ் சினிமா உலகம் மட்டுமின்றி ஹிந்தி, தெலுங்கு, கன்னடம் என அனைத்து திரை உலகமும், பிற மொழிகளில் சூப்பர் ஹிட்டான படங்களை தங்கள் மொழியில் ரீமேக் செய்து விடுகின்றன. அதன் தற்போதைய உதாரணம் சிம்புவின் ‘ஒஸ்தி’ திரைப்படம். இது ஹிந்தியில் வெற்றி பெற்ற ‘தபாங்’ படத்தின் ரீமேக் ஆகும். அந்த வரிசையில் தற்போது தமிழில் ரீமேக் ஆக இருக்கும் படம் ‘ராஜ்நீதி’.

ஹிந்தியில் வெற்றி பெற்ற இப்படத்தில் அஜய் தேவ்கன், நானா படேகர், ரன்பீர் கபூர், கேத்ரினா கைப் என மாபெரும் நட்சத்திர பட்டாளமே நடித்திருந்தது. இப்படம்தான் தமிழில் ரீமேக் ஆக இருக்கிறது. இதில் ரன்பீர் கபூர் நடித்த வேடத்தில் ஆர்யா நடிக்க இருக்கிறார். பிற நடிகர்கள் தேர்வு விரைவில் நடைபெற இருக்கிறதாம்.

ஒரு படம் ரீமேக் ஆனா போதுமே… வரிசையா ஆரம்பிச்சிருவீங்களே……..