பாலிவுட்டில் வேட்டைக்குத் தயாராகும் லிங்குசாமி!

பாலிவுட்டில் அழுத்தமாகத் தடம் பதித்து வரும் இயக்குனர்களின் பட்டியல் நீள ஆரம்பித்தித்திருக்கிறது. இந்தப் பட்டியலில் தற்போது தன்னை இணைத்துக் கொண்டிருக்கிறார் கமர்ஷியல் பார்முலாவில் பட்டையைக் கிளப்பும் லிங்குசாமி. இவரது இயக்கத்தில் வெளியான ஆனந்தம், ரன், சண்டக்கோழி, ஜி, பீமா, பையா அனைத்து படங்களுமே தெலுங்கில் டப் செய்யப்பட்டும், ரீமேக் செய்யப்பட்டும் இருக்கின்றன. தற்போது வேட்டை படத்தை இயக்கி வரும் லிங்குசாமியின் ரன் ஹிந்தியில் ரீமேக் செய்யப்பட்டு பாக்ஸ் ஆபீஸில் மிகப்பெரிய வெற்றியைச் சந்தித்தது.

இந்நிலையில், லிங்குசாமியின் மற்ற படங்களையும் இந்தியில் ரீமேக் செய்ய பல பாலிவுட்டில் தயாரிப்பாளர்கள் ஆர்வம் காட்டுகிறார்கள். தற்போது பாலிவுட் ரீமேக் தயாரிப்பாளர்களின் பேரத்தில் சண்டக்கோழி, பையா, வேட்டை ஆகிய மூன்று படங்களும் இருந்து வருவதாகச் சொல்கிறார்கள் லிங்குசாமி வட்டாரத்தில். இதை உறுதி செய்யும் விதமாக இயக்குனர் லிங்குசாமி வேட்டை படம் வெளியானவுடன், இந்த மூன்று படங்களில் எந்த கதையை இந்தியில் இயக்கலாம் என்று முடிவு செய்வேன்.

ரன் இந்தி ரீமேக்கில் நடித்த அபிஷேக் பச்சன் சண்டக்கோழி படத்திலும், வேட்டை இந்தி ரீமேக்கில் மாதவனுடன் இணைந்து ரன்பீர் கபூரும், பையா இந்தி ரீமேக்கில் ரன்பீர் கபூர் மற்றும் தீபிகா படுகோன் ஆகியோர் நடித்தால் நன்றாக இருக்கும் என்று கருதுகிறேன்” என்று தான் விரும்பும் நட்சத்திரங்களைக் பட்டியலிட்டுள்ளார். இந்த மூன்று படங்களில் முதலில் வேட்டையை முதலில் ரீமேக் செய்வார் என்கிறார்கள் அவரது உதவியாளர்கள்.