பாலிவுட்டில் ஒரு ரவுண்டு வருவேன் : ஸ்ரேயா

நடிகை ஸ்ரேயா, தமிழ், தெலுங்கு, கன்னட படங்களில், தொடர்ந்து பிசியாக நடித்துக் கொண்டிருந்தாலும், இந்தியில் சொல்லிக் கொள்ளும்படி படங்கள் எதுவும் இல்லை. இத்தனைக்கும் இவர் நடித்த, “மிசன் இஸ்தான்புல், அவார்பன் போன்ற, இந்தி படங்கள் ஓரளவுக்கு, தயாரிப்பாளர்களின் கல்லா பெட்டிகளை நிரப்பத் தான் செய்தன. இதுகுறித்து ஸ்ரேயாவிடம் கேட்டால், “தமிழ், தெலுங்கு படங்களில் மிகவும் பிசியாக இருப்பதால், இந்தி படங்களுக்கு கால்ஷீட் கொடுக்க முடியவில்லை. இப்போது கூட பாருங்கள், டொரண்டோவில் நடக்கும் திரைப்பட விழாவுக்கு, அவசரமாக புறப்பட்டுக் கொண்டிருக்கிறேன். அங்கிருந்து, அப்படியே, டோக்கியோவுக்கு செல்ல வேண்டும். சிவாஜி படம், “3டி யில் உருவாகியுள்ளது. அது குறித்த விழா, டோக்கியோவில் நடக்கிறது. அதில், பங்கேற்பதற்காகவே, அங்கு செல்கிறேன். ஒரு இந்தி படத்தில் நடிப்பதற்காக புக் ஆகியுள்ளேன். அந்த படத்துக்கு இன்னும் பெயர் வைக்கவில்லை. இந்த படத்துக்கு பின், பாலிவுட்டிலும் ஒரு ரவுண்டு வருவேன் என, நம்பிக்கையுடன் கூறுகிறார்.