பாலிவுட்டில் டாப்ஸிக்கு வாய்ப்பு

நடிகை டாப்ஸிக்கு பாலிவுட்டில் இருந்து அழைப்பு வந்திருக்கிறது.

ஆடுகளம் திரைப்படம் மூலம் தமிழ் திரையுலகிற்கு அறிமுகமானவர் டாப்ஸி. இவர், தொடர்ந்து வந்தான் வென்றான், மறந்தேன் மன்னித்தேன் போன்ற படங்களில் நடித்துள்ளார். மேலும் தற்போது முனி திரைப்படத்தின் மூன்றாம் பாகத்தில் நடிக்க ஒப்பந்தம் செய்யப்பட்டுள்ளார். இந்நிலையில் டாப்ஸிக்கு பாலிவுட்டில் இருந்து நடிக்க அழைப்பு வந்திருக்கிறது.

டேவிட் தவான் இயக்கும் சஷ்மே பத்தூர் திரைப்படத்தில் ரன்பீர் கபூக்கு ஜோடியாக நடிக்கிறார். காமெடி பிரியரான தவான் தான் விரும்பி ரசித்த இந்தப் படத்தை ரீமேக் செய்ய தீர்மானித்திருக்கிறார். இதன் ஒரிஜினலில் டாப்ஸி நடிக்கும் கதாபத்திரத்தில் தீப்தி நடித்திருந்தார் என்பது குறிப்பிடத்தக்கது.