ஒத்துழைக்காத அமலா பால்! ஓரம் கட்டிய டைரக்டர்!!

நடிகை அமலா பால் சூட்டிங்கிற்கு ஒத்துழைக்காததால், அவர் தொடர்பான காட்சிகளை மட்டும் ஓரம் கட்டிவிட்டு, மற்ற போஸ்ட் புரடக்ஷ்ன் பணிகளை கவனித்து வருகிறார் டைரக்டர் லிங்குசாமி. சிந்து சமவெளியில் கெட்டுப்போன இமேஜை, மைனா என்ற ஒரே படத்தின் மூலம் உச்சத்திற்கு கொண்டு வந்த தமிழ்சினிமாவை, உதாசீனப் படுத்திவிட்டு தெலுங்கு படத்தில் அதிக கவனம் செலுத்திக் கொண்டிருக்கிறார் அமலா பால். இதனால் வேட்டை படத்திற்கு அவர் தர வேண்டிய கால்ஷீட் தள்ளிப் போகிறதாம்.

டிசம்பர் 23ந் தேதி வேட்டை ரிலீஸ் என்று அறிவித்துவிட்டார் அப்படத்தின் தயாரிப்பாளரும், இயக்குனருமான லிங்குசாமி. ஆனால் படத்தின் நாயகன் ஆர்யா கொடுக்கிற ஒத்துழைப்பில் முக்கால்வாசி கூட கொடுக்கவில்லையாம் அமலா. கடைசி மூன்று நாட்கள் நடித்தால் இவரது போர்ஷனே முடிந்து விடும். ஆனால் லிங்குசாமியின் யூனிட்டே இவருக்காக காத்திருக்க, தெலுங்கில் ராம்சரண் தேஜாவுடன் நடிக்கப் போய்விடுகிறாராம் அவ்வப்போது. அதுமட்டுமல்ல, முப்பொழுதும் உன் கற்பனைகள், என்ற படங்களிலும் நடித்து வருகிறார் அவர். இந்த படங்களுக்கும் தேதி ஒதுக்க வேண்டிய கட்டாயம்.

கிட்டத்தட்ட இறுதிகட்ட சூட்டிங்கில் இருக்கும் லிங்குசாமி, அமலா பால் ஒத்துழைக்காததால் கோபப்படாமல் பக்குவமாக நடந்து கொள்கிறார். அதாகப்பட்டது, அவர் வரும்போது வரட்டும். மற்ற போஸ்ட் புரடக்ஷன் வேலைகளை பார்ப்போம் என்று மற்ற வேலைகளில் பிசியாக இருக்கிறாராம்.