பிரகாஷ்ராஜின் படத்தில் கிரிக்கெட் வீரர் தோனி?

நடிகர், தயாரிப்பாளர், இயக்குனர் என பல அவதாரம் கொண்டுள்ள பிரகாஷ்ராஜ் தமிழ், தெலுங்கு என இரண்டு மொழிகளிலும் ‘டோனி’ என்ற படத்தை இயக்கி வருகிறார். இப்படத்தில் இந்திய கிரிக்கெட் அணியின் கேப்டனான மஹேந்திரசிங் தோனி, கௌரவ வேடத்தில் நடிக்க இருக்கிறாராம்.

இப்படம் குறித்து பிரகாஷ்ராஜ் கூறியதாவது:

குழந்தைகள் மனநிலையைமையப்படுத்தி டோனி படம் தயாராகிறது. தேர்வுக்காக குழந்தைகள் கஷ்டப்பட்டு படிக்கின்றனர். பெற்றோரும் அவர்களை அதிக மதிப்பெண் பெற நிர்ப்பந்திக்கின்றனர். குழந்தைகளின் தனிப்பட்ட திறமைகளை வெளிக்கொண்டுவரும் கல்விமுறை நம்மிடம் இல்லை. குழந்தைகளை பெற்றோர் கட்டாயப்படுத்தக் கூடாது. சமூகத்துக்கு இப்படம் சில கருத்துக்களை சொல்லும்.

இப்படத்தில் ஆகாஷ், ராதிகாஆப்தே, தலைவாசல் விஜய், நாசர், பிரம்மானந்தம் ஆகியோர் நடிக்கின்றனர். கௌரவ வேடத்தில் பிரபுதேவா நடிக்க இருக்கிறார். இந்த ஆண்டின் இறுதியில் இப்படத்தை வெளியிட திட்டமிட்டிருக்கிறோம்’’ என்றார். இப்படத்தில் கிரிக்கெட் வீரர் மஹேந்திரசிங் தோனியை கௌரவ வேடத்தில் நடிக்க வைக்க பிரகாஷ் ராஜ் முயற்சித்து வருகிறாராம். முயற்சி பலித்தால் தோனி இப்படத்தில் நடித்து விடுவார்.