ஆர்யாவை கலாய்த்த ஹீரோக்கள்

ஆர்யா, விஷால், பரத், சாந்தனு, தனுஷ், போன்ற ஏராளமான இளம் ஹீரோக்கள் ஒரு பாடல் வெளியீட்டு விழாவில் கலந்து கொண்டார்கள். அந்த கூட்டத்தில் பவர் ஸ்டார் சீனிவாசனும் வந்து நிற்க, ஹீரோக்களுக்குள் ஒரே நமட்டு சிரிப்பு. யாருமே வராத டீக்கடையில் யாருக்கோ பால் ஆற்றிய மாதிரி லத்திகா படத்தை 200 நாட்களை தாண்டி ஓட்டிக் கொண்டிருக்கிறார் மனுஷன். (அடுத்த படமான ஆனந்த தொல்லையை 365 நாட்கள் ஓட்டப்போறாராம்)

தன் தெற்றுப்பல் தெரிய “எல்லாம் என் ரசிகர்களுக்காக” என்று அவர் சொல்லும் சப்பைகட்டுதான் ‘தாங்கல சாமி’ ரகம். போகட்டும்… கூட்டத்தில் நிற்க வைத்து குரூப் போட்டோ எடுத்தார்கள். சரக்கென்று இளம் ஹீரோக்கள் மத்தியில் இவரும் நுழைந்து ஆர்யாவின் தோள் மீது கைபோட்டுக் கொண்டு போஸ் கொடுக்க, அந்த வினாடிக்கு அப்புறம் மாட்டினார் ஆர்யா.

“மாப்ளே… உனக்கு பவர் ஸ்டார்தாண்டா போட்டி” என்று எல்லாரும் சேர்ந்து கொண்டு கும்மியடித்தார்கள். “அந்த போட்டோவை எங்களுக்கும் அனுப்பி வைக்கணும்” என்று போட்டோகிராபர்களிடம் வேண்டுகோள் வேறு.

இதுபற்றியெல்லாம் எவ்வித அலட்டலும் கொள்ளாத டாக்டர், “என் ஒரே போட்டியாளர் சூப்பர் ஸ்டார் ரஜினிதான்” என்றாரே பார்க்கலாம்! ஹ்ம்ம்ம்… வாழ்க்கை ருசியாத்தான் இருக்கு!