விசில் போட்டவர் ஹீரோவானார்!

தெலுங்கில் “நா-இஷ்டம்” படப் புகழ் ராஜா, தமிழில் ஹீரோவாக அறிமுகமாக இருக்கிறார். இவர் கடந்த ஐ.பி.எல்., கிரிக்கெட் போட்டியில், சென்னை சூப்பர் கிங்ஸ்க்கு அணிக்கு விசில் போடு என்ற விளம்பரம் மூலம் பிரபலமானவர். ராஜமுந்திரியை சேர்ந்த ராஜாவுக்கு தமிழ் படங்கள் ஒரு கனவாக இருந்து வந்துள்ளது.

பிரபல தெலுங்கு இயக்குநர் கிருஷ்ணவம்சியிடம், “ஸ்ரீ ஆஞ்சநேயலு” தொடங்கி “ராக்கி” படம் வரை உதவி இயக்குநராக இருந்த ஸ்ரீஹரி நானு, “துள்ளி எழுந்தது காதல்” மூலம், தமிழ் இயக்குநராக அறிமுகமாக உள்ளார்.

கிட்டத்தட்ட பல்வேறு ஊர்களில் படத்தில் நடிக்கும் நட்சத்திரங்களை தேர்வு செய்து 40பேரை நடிக்க வைத்துள்ளார் இயக்குநர். அதில் ஹீரோவாக செலக்ட் ஆனவர் ராஜா மட்டுமே. தமிழில் நம்பிக்கையான ஹீரோ பட்டியலில் சேர, கடந்த 6 மாதம் கடும் பயிற்சி செய்து வருகிறாராம்.