நோகடிக்கிறாங்க…..ஜெனிலியா அதிருப்தி

என்னைப் பத்தி ஏதேதோ எழுதி என் மனசை நோகடிக்கிறாங்க… என்று அழுது புலம்பாத குறையாக வேதனைப்பட்டிருக்கிறார் ஜெனிலியா. டிவிட்டரில் இப்படி இவர் நொந்து போனதைப் பார்த்து அவர் ரசிகர்கள் ரொம்பவே ஷாக் ஆகியிருக்கிறார்கள். சமீபகாலமாக ஜெனிலியாவையே குறிவைத்து உண்மையோ பொய்யோ பல செய்திகள் கை கால் முளைத்து சுற்றிக் கொண்டிருக்கின்றன.

நடிகர் சங்கத்தில் உறுப்பினர் ஆகவில்லை என்னும் செய்தி சுற்றி ஓய்ந்த போது ஜெனிலியாவுக்கு கல்யாணம் எனும் அடுத்த செய்தி உலாவர ஒரு கட்டத்தில் வெறுத்தே போனார் ஜெனிலியா. இந்த வதந்தியில் இருந்து தன்னைக் காப்பாற்ற ஒரு வேலாயுதம் வரமாட்டாரா என்பதுதான் இப்போதைக்கு ஜெனிலியாவின் எதிர்பார்ப்பு.