கார்த்திக் தந்த ஐடியா…கலவரத்தில் மணிரத்னம்

இதைதான்
எல்லை தாண்டிய பயங்கரவாதம் என்பார்கள் போலிருக்கிறது. கார்த்திக்கின் மகன்
கவுதம் ஹீரோவாக நடிக்கப் போகிறார். அவரை மணிரத்னம்தான் அறிமுகப்படுத்தப்
போகிறார் என்று கடந்த பல வருடங்களாகவே செய்திகளும் வதந்திகளும் உலா வந்து
கொண்டிருக்கின்றன. அதையெல்லாம் பொய்யாக்காமல் அவரும் கவுதமை வைத்து தனது
புதுப்படத்தை ஆரம்பிக்கும் முடிவுக்கு வந்துவிட்டார். இந்த நேரத்தில்தான்
குறுக்கே புகுந்து குட்டையை குழப்பிக் கொண்டிருக்கிறாராம் கார்த்திக்.



அரசியலில் இறங்கி அந்த ஏரியாவையும் காமெடியாக்கிவிட்டு வந்த கார்த்திக்,
சட்டென்று தனது எண்ணத்தை மாற்றிக் கொண்டார். ஏன் நாமளே ஒரு படத்தை இயக்கக்
கூடாது? இதுதான் அவரது திடீர் கேள்வி. அதை உடனடியாக செயல்படுத்தும்
எண்ணமும் வந்துவிட்டது அவருக்கு.

வேறெந்த ஹீரோவையும் தேடிப் போவதற்கு பதிலாக தனது மகன் கவுதமையே
ஹீரோவாக்கிக் கொள்ளலாமே என்று நினைத்தாராம். மணிரத்னத்திடம் சென்று நீங்கள்
படப்பிடிப்பை நடத்துகிற தேதிகள் போக, மற்ற தேதிகளில் எனது மகனை நான் எனது
படத்தில் நடிக்க வைக்கிறேன் என்று கேட்க, கிறுகிறுத்து போனாராம் மணி.

ஒங்கி ஒலிக்க வேண்டிய ‘மணி’, உம்மென்று இருக்கிறதாம் சில தினங்களாக…