சசிகுமாரை நேசிக்கும் ரசிகர்கள்

இயக்குநர் நடிகர் சசிகுமாரைப் பார்த்தால் முன்னணி நடிகர்களுக்கு கூட
பொறாமையாகத்தான் இருக்கும். காரணம், எத்தனையோ படங்களுக்குப் பிறகு அவர்கள்
சேர்த்த ரசிகர்களை சசிகுமார் தனது ஒன்றிரண்டு படங்களிலேயே
சேர்த்துவிட்டார். சசிகுமாரின் ரசிகர்கள் பெரும்பாலும் டீன் ஏஜ் மற்றும்
இளம் வயதினராகவே இருக்கிறார்கள். சசிகுமார் மேடையில் தோன்றினாலும் திரையில்
வந்தாலும் இவர்களிடம் இருந்து விசில் பறக்கிறது. இது எப்படி
சாத்தியமாயிற்று? இதற்கு அந்த இளைஞர்கள் சொல்லும் பதில், ‘சசிகுமார்
பார்ப்பதற்கு எங்கள் சொந்த அண்ணன் மாதிரி இருக்கிறார்.


அவர் சிரிப்பும் கோபமும் சரி எல்லாமே எங்களுக்குப் பிடித்திருக்கிறது.
அவர் திரையில் நட்பு பற்றி பேசும் இடங்களில் அவர் எங்களுக்கு ஒரு நல்ல
நண்பனாகவும் தெரிகிறார். அவரை நாங்கள் நேசிப்பதற்கு இதைவிட வேறு காரணங்கள்
ஏதும் வேண்டுமா? என்பதுதான் அவர்கள் பதிலாக இருக்கிறது.