காமெடி நடிகர் இடிச்சபுளி செல்வராஜ் மரணம்!

பிரபல காமெடி நடிகர் இடிச்சபுளி செல்வராஜ்(வயது 73) மரணம் அடைந்தார்.
எம்.ஜி.ஆர்., சிவாஜியில் இருந்து கமல் உள்ளிட்ட பல நடிகர்களுடன் இணைந்து
நடித்தவர் இடிச்சபுளி செல்வராஜ். 500க்கும் மேற்பட்ட படங்களில்
நடித்துள்ளார். சென்னை, சத்யமூர்த்தி நகரில் வசித்து வந்த செல்வராஜூக்கு
திடீரென சுவாசக் கோளாறு ஏற்பட்டது. இதனையடுத்து உடனடியாக சென்னை
ராயப்பேட்டை மருத்துவமனைக்கு கொண்டு செல்லப்பட்டார். ஆனால் செல்லும்
வழியிலேயே அவருடைய உயிர் பிரிந்தது. மறைந்த செல்வராஜூக்கு செல்வம் என்ற
மனைவியும், வசந்தி என்ற மகளும் உள்ளனர். செல்வராஜின் உடல் அவரது சொந்த
வீட்டில் அஞ்சலிக்காக வைக்கப்பட்டுள்ளது. இன்று(30.01.12) மாலை அவரது உடல்
அடக்கம் செய்யப்பட இருக்கிறது.
மறைந்த நடிகர் இடிச்சபுளி செல்வராஜ், காமெடி நடிகர் பாண்டுவின் அண்ணன் என்பது குறிப்பிடத்தக்கது.