அன்னா ஹசாரேயிடம் பாராட்டு பெற்றேன்: நடிகை ஸ்ரேயா

ஊழலுக்கு எதிரான போராட்டத்தை மையமாக வைத்து ‘ஹலி ஹலி சோர்ஹை’ என்ற
இந்திப்படம் தயாராகி உள்ளது. இதில் அக்ஷய்கண்ணா – ஸ்ரேயா ஜோடியாக
நடித்துள்ளார். இப்படத்தை அன்னா ஹசாரே பார்த்து பாராட்டி உள்ளார்.
இது குறித்து ஸ்ரேயா கூறியதாவது:-

ஊழலால் சாதாரண மக்கள் எப்படி பாதிக்கப்படுகிறார்கள் என்பதே இப்படத்தின்
கரு. இதில் எனக்கு அழுத்தமான கேரக்டர். அக்ஷய்கண்ணா மனைவியாக வருகிறேன்.
படம் பார்ப்பவர்கள் தியேட்டரை விட்டு வெளியேறும்போது கதையை ஒரு பாடமாக
உணர்வார்கள். ஊழல் விஷயங்களில் எனக்கு நேரடி தொடர்பு இல்லை என்றாலும்
சுற்றி நடப்பவைகளை என்னால் பார்க்க முடிகிறது.

இந்த படத்தை அன்னா ஹசாரேக்கு திரையிட்டு காட்ட முடிவு செய்து அவர்
கிராமத்துக்கு சென்றோம். அவ்வூரில் படத்தை திரையிடுவதற்கான வசதி இல்லாததால்
திறந்தவெளி அரங்கில் விசேஷமாக எல்இடி திரை அமைத்து படத்தை திரையிட்டோம்.
படம் அன்னா ஹசாரேக்கு மிகவும் பிடித்தது. அதில் நடித்த என்னையும் இதர
நடிகர்களையும் பாராட்டினார். அது எனக்கு மகிழ்ச்சி அளித்தது.