3டி யில் கர்‌ஜிக்கும் கட்டப்பொம்மன்

தமிழில் எவர் க்‌‌ரீன் படமான கட்டப்பொம்மனை 3டி-யில் வெளியிடும் வேலையை தொடங்கியிருக்கிறது ரா‌ஜ் டிவி நிறுவனம். அது பற்‌றி பார்க்கும் முன் கர்ணன் பற்றிய ஒரு ஃப்ளாஷ்பேக்.

கர்ணன் படத்தின் உ‌ரிமையும் ரா‌ஜ் டிவியிடம்தான் உள்ளது. இவர்களிடமிருந்து உ‌ரிமை வாங்கி டி‌ஜிட்டலில் மேம்படுத்தி திவ்யா பிலிம்ஸ் படத்தை வெளியிட்டது. 40 லட்சங்கள் செலவு செய்து கோடியில் லாபம் பார்த்ததாக செய்திகள் வர ரா‌ஜ் டிவிக்கு அப்போதுதான் உறைத்தது… வடை போச்சே.

யாரோ சம்பாதிக்க நாம் ஏன் உ‌ரிமை தர வேண்டும் என்று கைவசம் இருக்கும் கட்டப்பொம்மனை 3டி-க்கு மாற்றும் வேலையை தொடங்கியிருக்கிறார்கள். கர்ணனைவிட கட்டப்பொம்மன் பி‌ரிண்ட் நன்றாக இருப்பதால் தரமும் நன்றாக வரும் என உத்தரவாதம் தந்துள்ளனர். தங்களிடம் இருக்கும் பழைய படங்களின் உ‌ரிமையை இனி யோசித்துதான் அடுத்தவர்களுக்கு தருவது எனவும் முடிவு செய்யப்பட்டிருக்கிறது. 2013-ல் 3டி-யில் கட்டப்பொம்மன் கர்‌ஜிப்பதை காது குளிர கேட்கலாம்.