குஜராத் மாநிலத்தில் மாநகராட்சி அலுவலகம் முன்பு 5 பேர் தீக்குளித்ததால் பரபரப்பு

குஜராத் மாநிலம், ராஜ்கோட் மாநகராட்சி பகுதியில் ஆக்கிரமிப்புகளை அகற்ற முடிவு செய்திருப்பதாக தகவல் வெளியானது. இதனை அறிந்ததும், சோட்டு நகர் பகுதியைச் சேர்ந்த 3 பெண்கள் உள்ளிட்ட 5 பேர் கையில் மண்எண்ணெய் கேன்களுடன் மாநகராட்சி அலுவலகத்திற்கு வந்தனர். பின்னர் அவர்கள் திடீரென உடலில் மண்எண்ணெய் ஊற்றி தீ வைத்துக் கொண்டனர்.இதனை பார்த்து அதிர்ச்சி அடைந்த மாநகராட்சி ஊழியர்கள், விரைந்து வந்து 5 பேரையும் காப்பாற்றி உடனே ஆஸ்பத்திரிக்கு அனுப்பி வைத்தனர். அங்கு தீவிர சிகிச்சை அளிக்கப்பட்டு வருகிறது. இதில் 2 பேரின் நிலைமை கவலைக்கிடமாக உள்ளது.இதுகுறித்து மாநகராட்சி மேயர் ஜனாக் கோடாக் கூறுகையில், மாநகராட்சி பகுதியில் ஆக்கிரமிப்பு அகற்றும் திட்டம் எதுவும் இல்லை. தவறான தகவலால் 5 பேர் தீக்குளித்து தற்கொலைக்கு முயன்றுள்ளனர். அவர்களை தனியார் ஆஸ்பத்திரியில் அனுமதித்து தீவிர சிகிச்சை அளிக்க ஏற்பாடு செய்யப்படும் என்று தெரிவித்தார்.