உத்தரகாண்ட் மாநிலத்தில் கார் பள்ளத்தில் கவிழ்ந்தது: 7 பேர் பலி

டேராடூன்,

உத்தராகண்ட் மாநிலம், தெஹ்ரி மாவட்டத்தைச் சேர்ந்த 9 பேர் இன்று மாலை 7 மணியளவில் முசோரியை நோக்கி காரில் சென்று கொண்டிருந்தனர். காரகோட் என்ற இடத்தில் உள்ள மலைப்பாதை வழியாக கார் சென்றபோது, டிரைவரின் கட்டுப்பாட்டை இழந்து, சாலையை விட்டு விலகி, பக்கவாட்டில் இருந்த பள்ளத்தில் விழுந்து கவிழ்ந்தது. இந்த விபத்தில் காரில் பயணம் செய்த 7 பேரும் சம்பவ இடத்திலேயே பலியானார்கள். படுகாயமடைந்த 2 பேரும் உயிருக்கு ஆபத்தான நிலையில் சம்பா மருத்துவமனையில் சிகிச்சை பெற்று வருகின்றனர் என்று போலீஸ் வட்டாரங்கள் தகவல் அளிக்கின்றன.