இளையராஜா புகழ்பாடும் கவுதம்மேனன்!

டைரக்டர்
கவுதம்மேனன், இசையமைப்பாளர் இளையராஜாவின் புகழைப் பாடிக்கொண்டிருக்கிறார்.
நடுநிசி நாய்கள் என்ற மகா மட்டமான படத்திற்கு பிறகு டைரக்டர் கவுதம் மேனன்
இயக்கும் புதிய படம் நீதானே என் பொன்வசந்தம். இப்படத்திற்கு இளையராஜா
இசையமைக்கிறார். இளையராஜாவின் இசை குறித்தும், அவரது துரிதமான பணிகள்
குறித்து டைரக்டர் கவுதம் மேனன் பேட்டியொன்றில் கூறி
பெருமிதப்பட்டிருக்கிறார்.

அதில், ஒவ்வொரு படம் தொடங்கும்போதும் ராஜா சார்தான் மியூஸிக் என்று
யோசிப்பேன். ஆனால் அது அமையாது. இந்தப் படத்திற்கு கண்டிப்பாக அவர்கிட்ட
கேட்கலாம் என்ற தைரியம் வந்தது. அவரை சந்திக்க அப்பாயின்மென்ட்
வாங்கும்போதுகூட என்ன விஷயம் பேசப்போறேன் என்று சொல்லவே இல்லை. ‘நான் ஒரு
படம் பண்றேன். ஏற்கெனவே 50 சதவிகிதம் சூட்டிங் முடிஞ்சிருச்சு. இதுதான்
கதை. இந்த மாதிரி மியூஸிக் வேணும்னு சொல்லி, ஷூட் பண்ணின போர்ஷனைப்
போட்டுக் காட்டினேன். எல்லாத்தையும் உள்வாங்கிட்டு பிரமாதமான டியூன்களை ஒரே
நாளில் தந்தார். படத்தில் மொத்தம் எட்டுப் பாடல்கள். ஒரு பாட்டுக்கு
இரண்டு நாள் என்று கிட்டத்தட்ட 16 நாட்களில் மொத்த ஒலிப்பதிவும் முடிந்து
விட்டது, என்று கூறியிருக்கிறார் கவுதம் மேனன்.