பிரபாஸ் புகழ்பாடும் ரிச்சா…!

மயக்கம் என்ன, ஒஸ்தி என்று ஒரே சமயத்தில் தனுஷ், சிம்பு என்று ‌டாப் ஹீரோக்களுடன் நடித்தவர் நடிகை ரிச்சா கங்கோபாத்யாயே. ஏனோ தெரியவில்லை அந்த இரண்டு படங்களுக்கு பிறகு அவருக்கு தமிழ் சினிமாவில் எந்த படங்களும் செட்டாகவில்லை.

இதுகுறித்து ரிச்சாவிடம் கேட்டால், சொன்னா நம்ப மாட்டீர்கள் இதுவரை எட்டு கதை கேட்டு விட்டேன். ஆனால் எதுவும் செட்டாகவில்‌லை. தெலுங்கில் வந்த விக்ரமாகூடு, தமிழில் வந்த சிறுத்தை, இப்போது பெங்காலியில் பிக்ரம் சிங்கா என்ற பெயரில் வெளிவர உள்ளது. இதை அடுத்து தெலுங்கில் வாராதி என்ற படத்தில் பிரபாஸ் உடன் இணைந்து நடிக்கிறேன். இந்தபடத்தில் வெளிநாட்டு பெண்ணாக நடித்திருக்கிறேன். கதைப்படி வெளிநாட்டில் இருந்து இந்தியாவில் உள்ள ஒரு குக்கிராமத்திற்கு வரும் போது ஹீரோவை பார்த்ததும் காதல் வருகிறது. அந்த காதல் நிறைவேறியதா என்பது கதை என்று கூறிய ரிச்சா, படத்தின் ஹீரோ பிரபாஸை பற்றி பேசும் போது இன்னும் உற்சாகமாகிவிடுகிறார். என் உயரத்திற்கு ஏற்ற நடிகர், ரொம்ப எளிமையான நடிகர், நன்றாக பழகுபவர் என்று அவரைபற்றி ஏகத்துக்கும் புகழ்ந்து தள்ளுகிறார்.