அஜித் குமாரின் பில்லா 2 ரிலீஸ் தேதி அறிவிப்பு?

மங்காத்தா
படத்திற்குப் பிறகு அஜித் குமார் நடித்து வரும் படம் ‘பில்லா 2′.
இப்படத்தை சக்ரி டோலட்டி இயக்கி வருகிறார். பார்வதி ஓமனக்குட்டன்
கதாநாயகியாக நடிக்கிறார்.

இப்படத்திற்கு யுவன்சங்கர் ராஜா இசையத்து வருகிறார். விரைவில்
இப்படத்தின் பாடல் வெளியீட்டு விழா நடைபெற இருக்கிறது. இதற்கான தேதி
இன்னும் அறிவிக்கப்படவில்லை.

இந்நிலையில் இப்படத்தின் ரிலீஸ் தேதி குறித்த தகவல் கிடைத்திருக்கிறது.
‘மங்காத்தா’ திரைப்படம் கடந்த ஆண்டு அஜித்தின் பிறந்த நாளான ‘மே 1′ அன்று
வெளியாகும் என சொல்லப்பட்டது. ஆனால் சில காரணங்களால் ரிலீஸ் தேதி தள்ளிப்
போனது.

அதனை சரி செய்யும் விதமாக ‘பில்லா 2′ படத்தை வரும் ‘மே 1′ அன்று
திரைக்கு கொண்டு வர படக்குழுவினர் தீவிரமாக முயற்சி செய்து வருகிறார்கள்
என்று கோலிவுட் தரப்பிலிருந்து தகவல்கள் வெளிவரத் துவங்கியுள்ளன.

இதன்படி பார்த்தால் பில்லா 2 வரும் மே 1 அன்று அஜித் குமாரின் 41-வது பிறந்தநாளன்று வெளிவரும் எனத்தெரிகிறது.