திருமணத்துக்கு முன் மீனா தெலுங்கில் நடித்த பக்தி படம் ரிலீஸ்

நடிகை மீனா திருமணத்துக்கு முன் கடைசியாக வாசவி வைபவம் என்ற தெலுங்கு பக்தி படத்தில் நடித்தார். இதில் அம்மன் வேடத்தில் நடித்துள்ளார். மீனாவுடன் சுமன், நாகபாபு, சாய்கிரண் போன்றோரும் நடித்தனர். உதய பாஸ்கர் இயக்கினார்.

இதன் படப்பிடிப்பு முடிந்து நீண்ட நாட்களாக முடங்கியே கிடந்தது. மீண்டும் அப்படத்தை ரிலீஸ் செய்ய ஏற்பாடுகள் நடக்கின்றன. ஓரிரு வாரத்தில் திரைக்கு வரும் என தெரிகிறது.

இதன் பாடல் சி.டி. வெளியீட்டு விழா ஐதராபாத்தில் நேற்று நடந்தது. தாசரி நாராயணராவ் பாடல் சி.டி.யை வெளியிட்டார். விழாவில் அவர் பேசும்போது, மீனா சிறந்த நடிகை. அவர் நடித்துள்ளது பக்தி படம் என்பதால் இப்படத்துக்கு வரவேற்பு கூடியுள்ளது என்றார்.