சேட்டையானது டில்லி பெல்லி!

தமிழில் ரீ-மேக் ஆகி கொண்டிருக்கும் டில்லி பெல்லி படத்திற்கு சேட்டை என்று பெயர் வைத்துள்ளனர். இம்ரான் கான் நடிப்பில், அமீர்கான் தயாரிப்பில் இந்தியில் வெளியாகி சூப்பர் ஹிட்டான படம் டில்லி பெல்லி. இப்படம் தமிழில் ரீ-மேக் ஆகி வருகிறது. ஆர்யா ஹீரோவாக நடிக்க அவருக்கு ஜோடியாக ஹன்சிகா நடிக்கிறார். இவர்களுடன் அஞ்சலி, சந்தானம், பிரேம்ஜி அமரன் ஆகியோரும் நடிக்கின்றனர். வந்தான் வென்றான் டைரக்டர் கண்ணன் இப்படத்தை இயக்குகிறார். ‌சென்னையில் நேற்று இப்படத்தின் சூட்டிங் சின்ன பூஜையுடன் தொடங்கியது. சென்னை விமான நிலையம் அருகே ரூ.1கோடி செட்டில் அமைக்கப்பட்டுள்ள பைவ் ஸ்டார் ஹோட்டல் போன்ற செட்டில் இப்படத்தின் சம்பந்தப்பட்ட காட்சிகள் படமாகி வருகின்றன. முதற்கட்டமாக ஆர்யா சம்பந்தப்பட்ட காட்சிகள் படமாகி வருகிறது. மே 11 முதல் ஹன்சிகாவும், மே 14 முதல் அஞ்சலியும் இப்படத்தின் சூட்டிங்கில் கலந்து கொள்ளவுள்ளனர். இதனிடையே படத்திற்கு இரண்டு தலைப்புகளை தேர்வு செய்ததாக கண்ணன் ஏற்கனவே அறிவித்து இருந்தார். அதில் படத்திற்கு சேட்டை என்ற தலைப்பை தேர்வு செய்து, அதை படத்திற்கு தலைப்பாக வைத்துள்ளார்.