டெல்லி பெல்லி தமிழில் சேட்டையானது

கல்லூரி நண்பர்கள் அடிக்கும் அரட்டையைப் படமாக்கி வெற்றி பெற்ற நண்பர்கள் படத்தைத் தொடர்ந்து அதேப்போன்ற ஒரு கலகலப்பான படங்கள் உருவாவது தமிழ் சினிமா உலகில் சகஜம்தானே.

அந்த வகையில் ஹிந்தியில் வெளியாக வெற்றி பெற்ற டெல்லி பெல்லி திரைப்படம் தமிழில் சேட்டையாக உருவாகி வருகிறது.

ஆர்யா, சந்தானம், பிரேம்ஜி, ஹன்சிகா மோத்வானி, அஞ்சலி ஆகியோர் நடித்து வரும் இப்படத்தின் படப்பிடிப்பு சென்னையில் நடந்து வருகிறது.

கதையை மட்டும் அப்படியே வைத்துக் கொண்டு, தமிழுக்கு ஏற்ற வகையில் நகைச்சுவையை மாற்றி அமைத்து படப்பிடிப்பு நடந்து வருகிறது.

குடும்பத்துடன் வந்து பார்த்து வயிறு வலிக்க சிரித்து விட்டுப் போகும்படியாக இப்படம் இருக்கும் என்று படப்பிடிப்பின் போது சிரித்து சிரித்து வயிறு வலியில் அவதிப்பட்டு வரும் படக்குழு தெரிவிக்கிறது.