காமெடி படத்தில் தனுஷ்!

கதிரேசன் தயாரிப்பில் தனுஷ் நடித்து வெற்றி பெற்ற படம் பொல்லாதவன். இந்த படத்திற்காக தயாரிப்பாளர் கதிரேசனும், இயக்குனர் வெற்றிமாறனும் பல மாதங்கள் காத்திருந்தனர். இந்த நிலையில் கதிரேசன் தயாரிக்கும் படத்தில் மீண்டும் தனுஷ் நடிக்க ஒப்பந்தம் செய்யப்பட்டுள்ளாராம். இன்னும் பெயரிடப்படாத இந்தப் படத்தை களவானி இயக்குனர் சற்குணம் இயக்குகிறார்.

சற்குணம் இயக்கும் அடுத்த படத்தில் விக்ரம் நடிப்பார் இல்லை பிரபுவின் மகன் விக்ரம் பிரபு நடிப்பார் என்றெல்லாம் செய்திகள் வந்தன. ஆனால் இறுதியில் தேர்வு செய்யப்பட்டவர் தனுஷ். சீரியஸாக எடுத்த வாகை சூடவா ஓடாத காரணத்தால் களவாணி போன்ற எளிமையான காமெடி சப்ஜெக்டை இந்தமுறை முயற்சி செய்கிறாராம் சற்குணம். இதனால் விரைவில் காமெடி படத்தில் தனுசை பார்க்கலாம்.