ஹீரோக்களின் நண்பனாக காமெடி நடிகர் சூரி!

தமிழ் சினிமா வெற்றிக்கு அந்த படத்தில் உள்ள பாடல் காட்சி, காதல் காட்சியை விட அப்படத்தில் இடம்பெறும் காமெடியே அதிக முக்கியவதும் வாய்ந்ததாகும். இதனாலேயே காமெடி நடிகர்கள் விரைவிலேயே ரசிகர்கள் மனதில் நீங்கா இடம் பெற்று விடுகின்றனர். அந்த வகையில் தமிழ் சினிமாவிற்கு புதிதாக கிடைத்த காமெடியன் நடிகர் சூரி. தமிழர்களின் தலை சிறந்த பாரம்பரிய விளையாட்டுகளில் ஒன்றான கபடி விளையாட்டை மையமாக் கொண்டு ரீலிஸ் ஆன வெண்ணிலா கபடி குழு படம் எந்தளவுக்கு ரசிகர்களிடையே பரபரப்பாக பேசப்பட்டதோ, அந்தளவுக்கு படத்தில் இடம்பெற்ற பரோட்டா காமெடியும் பேசப்பட்டது. அந்த அசத்தலான காமெடியில் நடித்த சூரியை யாராலும் மறக்க முடியாது.

காலையில் ஒரு படப்பிடிப்பு, மாலையில் ஒரு படப்பிடிப்பு என்று படு பிஸியாக உள்ள சூரி. சமீபத்தில் நார்வே நாட்டில் நடைபெற்ற திரைப்பட விருது விழாவில் போராளி படத்தின் சிறந்த காமெடியனுக்கான விருதை தட்டி வந்திருக்கிறார். இதுபற்றி அவர் அளித்துள்ள பேட்டியில், ஒரு கலைஞனுக்கு ரசிகர்கள் தரும் ஆதரவுதான் முதல் விருது. ரசிகர்களால் தேர்ந்தேடுக்கப்பட்ட இந்த விருதும் அப்படிப்பட்டதுதான். என் காமெடி ரசிகர்களால் ரசிக்கப்படுகிறது என்பதற்கு இதுவே சாட்சி. இந்த இடத்தை நான் எப்போதும் தக்க வைத்துக் கொள்வேன். சமீபகாலமாக எனக்கு நான் நடிக்கும் எல்லா படங்களிலும் ஹீரோவுக்கு நண்பனாக படம் முழுவதும் வந்து காமெடி செய்ய வாய்ப்பு கிடைத்திருக்கிறது. இது எனக்கு கிடைத்த மிகப்பெரிய அங்கீகாரம், என்று கூறியுள்ளார் பெருமையுடன்!