கேன்ஸ் திரைப்பட விழாவில் அசத்தும் ஐஸ்வர்யா ராய்!

புடவை, நவீன ரக உடை என்று கேன்ஸ் திரைப்பட விழாவில் அசத்தி கொண்டு இருக்கிறார் நடிகை ஐஸ்வர்யா ராய். பிரான்ஸ் நாட்டில் கேன்ஸ் நகரில் நடைபெறும் சர்வதேச பட விழாவுக்கு ஐஸ்வர்யாராய் சிறப்பு கவுரவ தூதராக நியமிக்கப்பட்டு இருந்தார். இதனால் ஒவ்வொரு ஆண்டும் அவர் கேன்ஸ் படவிழாவில் கலந்து கொண்டு சிறப்பிப்பார். அங்கு அவருக்கு ஐரோப்பிய நடிகைகளுக்கு இணையாக சிகப்பு கம்பளம் விரித்து வரவேற்பு அளிக்கப்படும். அதேபோல் இந்த ஆண்டும் ஐஸ்வர்யா ராய் கேன்ஸ் படவிழாவில் பங்கேற்றார்.

இம்முறை அனைவரது பார்வையும் ஐஸ்வர்யா மீதே இருந்தது. இதற்கு முக்கிய காரணம் சமீபத்தில் தான் அவருக்கு குழந்தை பிறந்தது. குழந்தை பிறப்புக்கு பின்னர் அவரது உடல் எடை ரொம்பவே பெருத்துவிட்டது. ஆனால் அதேசமயம் அவரது இளமை இன்றும் மாறாமல் இருந்து. முதல்நாளில் ஐஸ்வர்யா புடவையில் வந்து அசத்தினார். அழகிய வேலைப்பாடுகள் செய்த சேலையை உடுத்தி வந்தார். 2வது நாளில் ஐஸ்வர்யா நவீன ரக ஆடையை அணிந்து வந்தார்.

எப்போதும் அழகு பதுமையாக அழகை வெளிக்காட்டும் வகையில் ஹாலிவுட் நடிகைகளுக்கு இணையாக ஆடை அணிந்து வரும் ஐஸ்வர்யா இம்முறை புடவையிலும், நவீன ஆடையையுமே போர்த்திக் கொண்டு வந்ததும் அனைவரையும் கொஞ்சம் வியப்பில் ஆழ்த்தியது.