கேன்ஸ் திரைப்பட விழாவில்...

இந்தியாவில் எத்தனையோ படங்களை எடுத்த இயக்குநர்களுக்குக் கூட கிடைக்காத அதிர்ஷ்டம் தமிழ் இயக்குநர் எல்ராட் குமாருக்குக் கிடைத்துள்ளது. பிரான்சில் நடைபெற்று வரும் கேன்ஸ் திரைப்பட விழாவில் எல்ராட் குமார் தயாரித்து இயக்கிய முப்பொழுதும உன் கற்பனைகள் படம் திரையிடப்பட்டுள்ளது.

அதர்வா, அமலாபால் ஆகியோர் நடித்திருக்கும் இப்படம் வெளியாகி 100 நாட்களை எட்ட உள்ள நிலையில், மேலும் ஒரு சிறப்பாக இது அமைந்துள்ளது. படத்தின் இயக்குநர் என்ற வகையில் எல்ராட் குமாருக்கு சிவப்புக் கம்பள வரவேற்பு அளிக்கப்பட்டது. ஆனந்தக் கண்ணீருடன் அதில் நடந்து சென்றார் குமார்.

இப்படத்தை கேன்ஸ் திரைப்பட விழாவில் திரையிடப்பட்டதும், நான் நீ என பல்வேறு நாட்டு இயக்குநர்கள், படத்தின் ரீமேக் உரிமையைக் கோரியுள்ளனர். இதில் வட அமெரிக்க நிறுவனம் ஒன்றுக்கு படத்தின் ரீமேக் உரிமையை கொடுத்துள்ளார் எல்ராட் குமார்.

மேலும், கொரியா மற்றும் ஐரோப்பிய நாட்டு இயக்குநர்களும் எல்ராட் குமாரிடம் பேசி வருகிறார்களாம். நமது முப்பொழுதும் உன் கற்பனைகள் விரைவில் பல மொழிகள் பேசப்போகிறது என்பது மட்டும் உண்மை