பிரபல நடிகர் ராஜேஷ் கன்னா உடல்நிலை கவலைக்கிடம்!

மும்பை: பிரபல பாலிவுட் நடிகர் ராஜேஷ் கன்னா கவலைக்கிடமான நிலையில் மும்பை லீலாவதி மருத்துவமனையில் அனுமதிக்கப்பட்டுள்ளார்.
கடந்த சில தினங்களாகவே அவர் உடல் நலம் குன்றியிருந்தார். அவரால் உணவு உட்கொள்ள முடியவில்லை.
இந்நிலையில், கடந்த வியாழக்கிழமையன்று ராஜேஷ் கன்னா ஓரளவு உடல் நிலை தேறினார். ஆனால் மீண்டும் உடல் நலம் பாதிக்கப்பட்டதை தொடர்ந்து, அவர் இன்று மும்பையில் உள்ள லீலாவதி மருத்துவமனையில் அனுமதிக்கப்பட்டார்.
அவரது நிலை கவலைக்கிடமாக இருப்பதாக மருத்துவமனை வட்டாரங்கள் தெரிவித்துள்ளன.
இது குறித்த தகவல் பரவியதும்,ஏராளமான ரசிகர்கள் ராஜேஷ் கன்னா அனுமதிக்கப்பட்டுள்ள மருத்துவமனை முன்னர் திரண்டதால் பரபரப்பு ஏற்பட்டது.
ராஜேஷ்கன்னா 1960கள் மற்றும் 70களின் பாலிவுட் சூப்பர் ஸ்டாராகத் திகழ்ந்தவர். வெள்ளிவிழா நாயகன். அவருக்கு பல கோடி ரசிகர்கள் உலகெங்கும் உள்ளது குறிப்பிடத்தக்கது.