குடிப்பழக்கத்துக்கு எதிரான மோகன்லால் படத்துக்கு அரசு வரி விலக்கு

மோகன்லால் மலையாளத்தில் நடித்த ‘ஸ்பிரிட்’ என்ற படம் ரிலீசாகி ஓடிக்கொண்டிருக்கிறது. இப்படத்தில் மதுப்பழக்கத்தின் தீமைகள் வலியுறுத்தப்பட்டு உள்ளன.
மது எதிர்ப்பு விழிப்புணர்வு படமாக வந்துள்ள இப்படத்துக்கு அரசு வரி விலக்கு அளிக்க வேண்டும் என்று வற்புறுத்தப்பட்டன. இதையடுத்து அதிகாரிகள் இப்படத்தை பார்த்து வரி விலக்கு அளிக்கலாம் என அரசுக்கு அறிக்கை அளித்தனர்.

கேரள அரசு மோகன்லால் படத்துக்கு வரி விலக்கு அளித்து அறிவிப்பு வெளியிட்டுள்ளது. கேரளாவில் ஆண்டு தோறும் மது தொடர்பாக நிறைய வழக்குகள் பதிவாகின்றன. அதிகமான குற்றங்களும் மதுவால் நடப்பதாக கூறப்படுகிறது. எனவே மதுப்பழக்கத்தை கட்டுப்படுத்த இந்த படம் உதவும் என்ற நோக்கில் வரி விலக்கு அறிவிக்கப்பட்டு உள்ளது.