விமலுடன் நடிக்க லட்சுமி மேனனுக்கு தடைபோட்டாரா பிரபு சாலமன்?

சென்னை: அரசல் புரசலாக, கிசுகிசுவாக இருந்த சமாச்சாரம் இப்போது செய்தியாகவே வந்துவிட்டது.கும்கியில் தான் அறிமுகப்படுத்தும் புது நடிகை நடிகை லட்சுமி மேனனை, வேறு யாருடனும் நடிக்கவிடாமல் தடுத்து வைத்திருக்கிறார் இயக்குநர் பிரபு சாலமன் என்பதுதான் அந்த செய்தி.
சமீபத்தில் பசங்க இயக்குநர் பாண்டிராஜ் இயக்கும் புதிய படத்தில் விமல் ஜோடியாக நடிக்க லட்சுமி மேனனுக்கு வாய்ப்பு வந்ததாம்.
ஆனால் இயக்குநர் பிரபு சாலமனோ, ‘என்ன பெரிய வாய்ப்பு… படத்தோட பேரே சரியில்ல. கேடி பில்லா கில்லாடி ரங்கா…அதிலெல்லாம் நடிச்சு பெயரைக் கெடுத்துக்காதே. நான் அடுத்து பெரிய படம் பண்றேன். அதிலும் நீதான் நாயகி’ என்று கூறித் தடுத்துவிட்டதாக செய்தியில் குறிப்பிடப்பட்டுள்ளது.
இதேபோல கிட்டத்தட்ட நான்கு பட வாய்ப்புகளை இழந்துவிட்டாராம் லட்சுமி.
சரி, இத்தனை நாள் இல்லாமல், திடீரென்று இந்த வாரம் முழுக்க இப்படி செய்தி வர என்ன காரணம்?
வேறு யார்… லட்சுமியின் பெற்றோர் மற்றும் கூடவே இருக்கும் சில சிண்டுமுடிஞ்சிகள்தான்!
கும்கி படம் முடிந்துவிட்டது. இந்தப் படம் வந்தால் பெரிய ரேஞ்சுக்குப் போக வாய்ப்பிருக்கிறது. அடுத்த படத்திலும் பிரபு சாலமனிடம் மாட்டாமல், புதுப்புது இயக்குநர்களிடம் போய்விட்டால், நிறைய சம்பாதிக்க முடியும் என்பதால், இந்த சமாச்சாரத்தை தங்களுக்கு தெரிந்த சினிமா பத்திரிகையாளர்களிடம் சொல்லி, ‘எப்படியாவது நியூசைப் போடுங்க. அப்பவாவது என் பொண்ணை விட்டுடறாரா அந்த டைரக்டர் பார்க்கலாம்…’ என்று கூறி வருகிறார்களாம்.
அடடா… இப்ப எந்தப் பக்கம் உண்மையிருக்குன்னே தெரியலயே… திரும்புற பக்கமெல்லாம் செட்டப் நியூசாவே இருக்கே கோலிவுட்ல!