கர்நாடக தேர்தலில் எடியூரப்பாவை வீழ்த்த பா.ஜ.க. திட்டம்

கர்நாடக சட்டசபை தேர்தல் மே மாதம் 5-ம் தேதி நடைபெறுகிறது.

சமீபத்தில் நடைபெற்ற உள்ளாட்சி தேர்தலில் பல தொகுதிகளை இழந்து படுதோல்வியை சந்தித்த பா.ஜ.க., இந்த தோல்விக்கு காரணமாக இருந்த எடியூரப்பா, மற்றும் அவரது கட்சி வேட்பாளர்களை வீழ்த்துவதற்கு வியூகம் வகுத்துள்ளது.

பா.ஜ.க.வை விட்டு எடியூரப்பா வெளியேறியதால் அக்கட்சி புனிதம் அடைந்து விட்டதாக மக்களிடம் பிரசாரம் செய்ய அக்கட்சி திட்டமிட்டுள்ளது.

லோக் ஆயுக்தா சட்டத்தின் கீழ் சிறையில் அடைக்கப்பட்ட எடியூரப்பாவின் ஊழல் குறித்து பரவலாக பிரசாரம் செய்யவும் கட்சி மேலிடம் ஆலோசித்து வருகிறது.

நரேந்திர மோடி உள்ளிட்ட பா.ஜ.க.வின் நட்சத்திர பிரசாரகர்களின் மூலம் எடியூரப்பாவிற்கு எதிராக உச்சகட்டப் பிரசாரம் செய்ய கர்நாடக மாநில பா.ஜ.க. தலைவர் பிரகலாத் ஜோஷி ஏற்பாடு செய்து வருவதாக கூறப்படுகிறது.