அமலாபாலை கழட்டி விட்ட ஹீரோக்கள்!

சிந்துசமவெளி படத்தில் நடித்து சர்ச்சையை உருவாக்கிய அமலாபாலுக்கு, மைனா படத்துக்குப்பிறகு மார்க்கெட்டில் மவுசு ஏற்பட்டது. அதோடு தெய்வத்திருமகள் படத்தில் விக்ரமுடன் நடித்தவர், தெலுங்கிலும் ராம்சரண் தேஜா உள்பட சில முன்னணி நடிகர்களின் படங்களை கைப்பற்றினார். அப்படி நடித்தபோது சம்பந்தப்பட்ட ஹீரோக்கள் அடுத்தடுத்து தங்கள் படங்களில் நடிப்பதற்கு பிரத்யேக சிபாரிசு செய்வதாகவும் அமலாபாலுடன் மானசீக ஒப்பந்தம் போட்டனர். இதனால் விரைவில் தென்னிந்தியாவின் நம்பர் ஒன் நடிகையாகி விடலாம் என்று கணக்குப்போட்டார் அமலாபால்.

ஆனால், சந்தர்ப்ப சூழ்நிலை, அவரது அபிமான ஹீரோக்களின் சிபாரிசு எடுபடாமல் போனது. இதனால் அம்மணியின் மார்க்கெட்டும் மின்னல் வேகத்தில் சரிந்தது. இருப்பினும் தனது ரகசிய அணுகுமுறைகள் மூலம் மீண்டும் மீண்டு வந்திருக்கிறார் நடிகை. இப்போது சில முன்னணி நடிகர்களின் படங்களில் நடித்து வருபவர், யாராவது தனது காது கடித்தபடி, நான் உனக்கு சிபாரிசு செய்கிறேன் என்று ஆசை வார்த்தை பேசினால், இந்த ஆசை காட்டுற வேலையெல்லாம் நம்மகிட்ட வேண்டாம். இதை மாதிரி நிறைய ஐஸ் வார்த்தைகளை கேட்டாச்சு. இப்ப நான் ரொம்ப தெளிவா இருக்கேன் என்று சொல்லிவிட்டு இடத்தை காலி பண்ணி விடுகிறார் நடிகை. நடிகையிடம் தங்களது பாச்சா பலிக்காமல் போவதால் பரிதாபமாய் நிற்கிறார்கள் ஹீரோக்கள்.