ரிலீசுக்கு தயாராகிறது பரதேசி!

அவன் இவன் படத்திற்குப் பிறகு பாலா இயக்கத்தில் உருவாகி இருக்கும் படம் பரதேசி. இப்படத்தில் அதர்வா, வேதிகா, தன்ஷிகா மற்றும் பலர் நடித்து இருக்கிறார்கள். ஜி.வி.பிரகாஷ் இசையமைத்துள்ளார். இப்படத்தின் படப்பிடிப்புகள் முடிந்துவிட்டன. பாடல்கள் அனைத்துமே படத்தின் கதையோடு ஒன்றியே வருவதுபோல் காட்சிப்படுத்தியுள்ளார் பாலா. இப்படத்தின் இறுதிப் பாடலை விஜய் டிவியில் சூப்பர் சிங்கர் ஜூனியரில் இரண்டாவதாக வந்த பிரகதி பாடியுள்ளார்.

இந்நிலையில் இப்படத்தின் இசைவெளியீட்டு விழா நவம்பர் 25ம்தேதியான இன்று சென்னையில் நடைபெற இருக்கிறது. கிறிஸ்துமஸ் விடுமுறை தினத்தை கணக்கில் கொண்டு டிசம்பரில் இப்படத்தை வெளியிட முடிவு செய்துள்ளனர்.